Arredor do día vinte e un de abril, os
pastores romanos tiñan por costume honrar a Ceres e a Palas, ó deus dos
pastores, facendo grandes fogueiras, sobre as que se saltaba tres veces para
pedirlle á deusa potencia sexual, abundante leite nas ubres das vacas e que a
la das ovellas fose doada de fiar.
Estas festas xa comezaban na tarde anterior,
facendo un ritual de purificacións das propiedades, durante o que se comezaba
por vasoirar a casa cun ramallo de loureiro, logo, cun preparado feito polas
vestales, no que se mesturaban as cinzas dos sacrificios feitos uns días antes
durante as Fordicides e algunhas plantas aromáticas mesturadas con auga,
salpicaban as distintas propiedades e a continuación queimaban as herbas do
preparado para afumar con elas persoas, animais e propiedades, para rematar
colocando nas portas de cada casa unhas ramas verdes.
Ningún comentario:
Publicar un comentario