Unha das grandes celebracións que os romanos
facían nestes primeiros días de marzo eran as Matronais, en honor de Xuno
Lucinda como deusa protectora dos partos, durante a que se festexaba tanto o
nacemento de Rómulo e Remo, como o día no que as mulleres sabinas interveñen
como mediadoras entre seus pais e os romanos, co fin de acadar un punto de
concordia para que Roma puidese ter descendentes.
O día que tal acadaron, os sabinos tomaron ós
rapaces nacidos do enlace das súas fillas cos romanos portándoos sobre os seus
escudos en sinal de protección, e as mulleres, coroadas con grilandas de flores
acudiron ó templo da deusa a ofrecerllas e a pedirlle pola prosperidade dos
matrimonios.
Ningún comentario:
Publicar un comentario