Todos sabemos que os contaquilómetros dos
coches converten o número de voltas dunha das rodas en metros, de tal maneira
que se a roda ten un metro de diámetro terá que dar trescentas voltas (se non
botei mal as contas) para percorrer un quilómetro. O malo é que nos barcos non
hai rodas en contacto co medio polo que se despraza, e daquela os mariñeiros,
xa desde o Renacemento, deron en usar un aparello chamado a corredeira, consistente nunha especie de
hélice á que se ata un cabo longo con uns nós, feitos todos á mesma distancia
uns dos outros, de maneira que, unha vez lanzado por popa o conxunto da hélice,
a medida que o barco avanza, este vai
quedando máis atrás, e segundo o número de nós que se contan nun tempo
determinado, esa será a velocidade en nós. Logo, cando o aparello xa foi
mecanizado con sistemas de reloxería, os nós viñeron a ser o número de millas
que un barco avanza cada hora, marcados como se fose o coñecido contaquilómetros
dos coches.
Unha cousa que non sabía.
ResponderEliminar