Ademais dos santos avogosos,
refórzase o poder protector con elementos apotropaicos que teñen as máis
peculiares xustificacións, como as chamadas Pedras do Raio e Pedras Cumiais,
que é doado ver no cume das casas e das chemineas para algo máis que aguantar
as tellas ou lousas dos tellados. E as máis apreciadas para cumprir esa función
protectoras eran as machadas neolíticas e bifaces paleolíticas colocadas no
máis alto da casa.
A razón de tal
suposto está en que para os nosos paisanos, cando os raios caían na terra
deixaban a punta solidificada en forma de pedra pulida, e dado que un raio non
cae dúas veces no mesmo sitio, convertíase esta pedra en amuleto protector no
cume das casas ou nas chemineas.
Se a maiores a pedra
ten forma fusiforme ou fálica, serve como elemento apotropaico protector da
casa e dos seus moradores contra o mal de ollo, e se por riba é branca, o poder
de protección non ten prezo.
Ningún comentario:
Publicar un comentario