domingo, 22 de novembro de 2015

Saxitario



A pesar de que os centauros nunca usaron arco e frechas, é moi común asimilar ó Saxitario co centauro Quirón, fillo de Cronos, experto en música e medicina, e titor dos grandes heroes como forón Aquiles ou Xasón e do médico Asclepio. E a razón de que fose medio home e medio cabalo está en que cando seu pai viu a Filira e quixo seducila, esta por escapar do acoso converteuse en egua, pero o outro, xa cego de desexo, non reparou en formas e da unión naceu este que, contrariamente a todos os da súa especie, era un centauro bo, que inventou dúas cousas moi importantes: as frechas e o aplauso.

Foron moitas as súas fazañas e moitas máis as súas virtudes, pero certo día, cando Hércules loitaba contra os seus conxéneres (que non eran tan boas persoas como Quirón), o heroe fortachón infectou unha frecha co sangue da Hidra e ó disparala cravouse en Quirón, que, coa dor que tiña, decidiu ceder a inmortalidade que lle correspondía por ser fillo da divindade, a Prometeo, para quen, por certo, a vida eterna foi máis unha tortura ca un ben.
E Zeus, magnánimo como algunha veces era, decidiu ascendelo ós ceos.

Ningún comentario:

Publicar un comentario