mércores, 20 de maio de 2015

Seixas, con tres pombas por brasón

Colón, o almirante da Descuberta, deixou escrito no seu diario que atoparon unhas aves no camiño de América, chamadas seixas, co que seguramente o apelido non se refira á pedra de seixo, branca e forte como a estirpe que tal nome leva, senón a paxaros, como se ve no seu escudo. Por certo un nome de aves que xa non o recollen os dicionarios que este servidor manexa.
Sen embargo a razón pola que tres aves que parecen pombas adornan o escudo semella o capricho dalgún nobre do século XI, que amosou as súas armas fronte ós mouros cando aínda se chamaba Aceijas, e tiña o seu solar nas terras de Lugo, onde hoxe está Narla, en cuxo castelo se poden ver estas aves nun dos escudos da porta principal.

Ningún comentario:

Publicar un comentario