venres, 24 de abril de 2015

Os Balboa, ou a loita do dragón e o león.



Din que certo día, o fundador desta estirpe galega ía paseando cando viu como un león e unha serpe alada ou tal vez un dragón, que iso non o aclaran ben as crónicas, pelexaban feramente, e na tal pelexa levaba o león as de perder, polo que este bo home, acercándose ós dous contrincantes tomou partido polo león e coa axuda da súa espada matou á serpe-dragón. E tan agradecido quedou o león que se lle acercou coma gato manso a sentar ó seu lado, e como mascota levouno sempre consigo e con el viaxou a Francia, onde llo doou ó rei. Pero o león, non quería pazos alleos, senón a compaña daquel que o liberou, e daquela fuxiu do real compaña para seguir ó seu liberador, pero como este tomara un barco para cruzar o mar, o león quixo seguilo a nado e afogou onde hoxe está o golfo de León.
E esta é a razón de que os Balboa teñan un león sobre un dragón no seu escudo

Ningún comentario:

Publicar un comentario