mércores, 15 de abril de 2015

Consellos para unha embarazada (III)



Os nós nas embarazadas
            E se hai días nefastos, en que non se pode coller a vasoira, tamén hai labores perigosos, que dependendo de como se fagan poden atraer o mal á embarazada, tal é cando se cose, cando se zurcen os calcetíns, se repasa unha basta ou sempre que se use agulla e fío, roca ou fuso, pois non se poden facer nós, porque daquela o neno corre o perigo de nacer co cordón umbilical enrolado ó pescozo. Tamén ha de evitar a futura nai pasar por debaixo dunha corda ou dunha enramada, polo mesma razón. 
      E é que os nós xa foron causa do difícil nacemento de Hércules, como temos citado neste caderno, e volvemos lembrar, cando as moiras se puxeron de pernas e brazos cruzados diante da casa de Alcmena, impedíndolle parir durante nove días; e por iso mesmo, tampouco debe ninguén (amigo, parente ou quen sexa) cruzar os dedos ou as pernas diante dunha embarazada, porque iso retrasará o parto e aumentará as dores.
    E se non doloroso, si desagradable é non cumprir cos antollos

Ningún comentario:

Publicar un comentario